بريوات البطاطس والفروماج ( قطع)

المقادير:

- 10الأوراق البسطيلة
- 1 أصفر بيضة
- 180g الزبدة ذايبة

العمارة:

- 2 بطاطس كبيرة
- 8 قطع الفروماج
- 2 ملاعق المعدنوس مقطع رقيق
- ملح،كمون،ابزار

التحضير:

- اغسل البطاطس وديريها في كوكوط معمرة بالماء + الملح, نسلقوها بالقشرة, ومن بعد نديروا بيها بيري بعد ما نقشروها
نديروها في جبانية + الفروماج قطع + معدنوس + كامون + نملحوا ونبزروا ونخلطوا مزيان.
نقطعوا مستطيل 20 سنتم عرض 24 سنتم طول
نذهنوا بالزبدة الذايبة ونطووا المستطيل نكونوا بيه سمطة علةى قد البريوة الحجم اللي بغينا
أنا اطويتها على 3
ونذهنوا بالزبدة مرة أخرى
نزلوا مقدار معلقة ديال الحشوة في السميطة.
ونططوا عادي احتى الأخير ونلصقوا بالبيض
ونعاودوا العملية احتى نكملوا.
نذهنوا الوجه البريوة بأصفر البيض
ونحطوهم في لاطة مذهونة وندخلوهم
الفران مسخن على درجة حرارة 200°C

ولما تحمر نقدموها .

وبالصحة والراحة